ERREBOTEA

Errebotearen nondik norakoak ezagutzeko asmoz? Sartu blog-era!

Jarduleak


-Jokalariak:  
Errebote partiduetan 5 kideko bi talde aritzen dira. Jokalariek kantxan duten kokapena taktikaren eta jokatzeko eraren araberakoa bada ere, dirudiena baino arruntagoa da:
- Talde sakatzailea: Eskularruak dituzten bi jokalariak pasamarraren atzean eta pasamarratik oso gertu kokatzen dira, bakoitza kantxa zabaleraren erdietako batean eta pasamarrakoak edo arrailariak deitzen zaie, euren betebeharra arraiak lortzea baita. Beste hirurak, xisteradunak, kantxan zehar era mailakatuan kokatzen dira eta “guantistak” deitzen zaie, antzina eskularruak erabiltzen baitztuzten; eta pasamarrarekiko kokapenaren arabera,  lehenengo, bigarren eta hirugarren guantista bereiz dezakegu.
- Talde errestatzailea: eskularrua darabilten bi jokalariak pasamarratik oso gertu kokatzen dira, hortaz,  xisteradunak dira benetako errestatzaileak, eta euren lana talde sakatzaileak bidalitako pilotak jaso eta kantxaren beste eremura bidaltzea da.

-Epaileak:
Epailegoa, talde biek adostutako bi eta sei kide artekoak dira, kide kopuru osoaren erdia, talde bakoitzak aukeratua. Badago, gainera, hirugarren, bosgarren edo zazpigarren epaile bat, askotan parte hartzen ez duena, eta berdinketa egotekotan berarengana jotzen dena. Azken betebehar hori partiduan dagoen pertsona ospetsuenari dagokio, alkateari edo jokalari ohia izandako norbaiti adibidez. Azken hitz hori duen pertsonaren erabakia eskatzekotan, erantzutera behartuta dago jokoarekiko errespetuagatik. Jokaldi eztabaidagarri baten ostean jokalariek epaileengana jotzeko eskubidea dute, beti ere “pido” oihukatuz. Orduan, kantxaren luzetara estrategikoki kokatuta dauden epaileak batzen dira, zirkulu bat osatuz, txapela eskuan, kantalariarekin batera, eta euren iritzia eztabaidatzen dute erabaki bat hartu arte. Erabakia berdinketan amaitzen bada, kantalariak ikusleen artean dagoen eta lehenago aipatu dugun azken epailea deituko du. Jokalariek epaileak batzeko eskatzean, bozeramaileak “bazterrak ixilit, jaunak!” kantatuz isiltasuna eskatzen du, ikusleen iritziek epaileenak baldintzatu ez ditzaten.
Epaile batzuen lana, gainera, arraiak gertatu diren leku zehatzak adieraztea da eta horretarako, klarionazko marrak egiten dituzte edo adarrak edota banderatxoak jartzen dituzte arraia izan den tokietan. Kantalaria, zenbaitetan, arraiak markatzeaz arduratzen da.

Entrenatzaileak: 
Kokaleku berezia dute eta jokalariekin partida etenda dagoenean bakarrik hitz egin dezakete . Gerriko urdinez jokatzen duen taldeko entrenatzailea errebotetik gertuago jarriko da gerriko gorria duen entrenatzailea baino.

No hay comentarios:

Publicar un comentario